سينما وفن: إبراهيم فايق يتذكر مرضه

naha saeed
أخبار الفن
سينما وفن: إبراهيم فايق يتذكر مرضه

نقلا عن مصادر متعددة للخبر:

طرح الإعلامي إبراهيم فايق، الفيديو الخاص به في سلسلة “التحدي” المشارك بها عددا من الفنانين.

تحدث إبراهيم فايق في الفيديو عن تجربته الصعبة مع المرض، وكيف شعر أن حياته قد تتأثر بعدها، وتحدى نفسه من أجل تجاوز تلك الأزمة.

نرشح لك- حماقي بدون أيمن بهجت قمر لأول مرة منذ 18 عاما في “يافاتني” .. كيف علق الأخير على هذا

أوضح فايق في شرحه لسبب تصوير الفيديو الخاص به في التحدي: ” الفيديو ده اللي مدته ثواني معدودة بيحكي قصة حياة أصعب سنة مرت عليا.. زي دلوقتي بالظبط ربنا اختبرني بالاصابة بجلطة في الشريان الرئوي.. قعدت شهور بعدها بعيد عن حياتي الطبيعية”.

أضاف: ” ارتباك رهيب.. وزن زايد فوق ١٥ كيلو مع وضع صحي صعب.. أمور بتبقى معقدة شوية خلت النفسية بقت صفر الحقيقة.. ناهيك بقى عن كلام كذب اتقال عني (قريته لما خرجت من المستشفى) وعن أسباب الجلطة غير كام خبر ضرب لناس استعجلت قضاء ربنا وكتبت أني توفيت”.

تابع إبراهيم فايق: “حاجات عقارب الزمن بيقف عندها؛ يعني أنا لو كنت مت؟ مكنش حد هيقول الحقيقة؟ كانت الناس هتنهش كده في حقي وانا مش موجود معاهم ارد على كذبهم؟”.

استطرد: ” من ناحية تانية.. بقى بالنسبة لي مجرد اني اشوف الجيم من بعيد ده حلم.. علشان كده فاكر أول يوم نزلت اتمرن.. عيطت لما عرقت.. مكنتش متخيل اني هعرف احس الاحساس ده تاني، لكن الحمد لله اتحسنت للدرجة ان الدكاترة قالوا تقدر ترجع واحدة واحدة”.

واصل فايق سرد تجربته مع المرض: ” بقى عندي تحدي تاني.. هنعمل أيه في الوزن الزايد؟!. شهرين أو أكتر بحاول اخس مفيش فايدة.. كل حاجة عطلانه.. معافرة كتير مع جسمي ومحاولات مضنية على مدار شهور.. حرمان والتزام وإصرار أن أرجع تاني بنفس لياقتي.. أنا بحب الرياضة للرياضة، وطول عمري بحب التحديات وعارف كويس إن قوة الشخص بتبقى أنه يصدق نفسه ويساعدها في أي حاجة وكل حاجة نفسه يعملها”.

أردف: “بالمناسبة على الصعيد المهني اللي متابع صعودي الإعلامي هيلاقيه بيحصل على مدار ١٦ سنة من التطور والمجهود والتحديات اللي محدش يعرف أنا تعبت وعانيت فيها قد إيه.. عمر ما فيه حاجة جاءت لي سهلة أبدا.. الكواليس دايما كانت متعبة ومهلكة”.

أكد إبراهيم فايق: “كونت قناعة أن لازم التجربة دي تتحكي.. كنت عايز اختصر فيها الزمن وأساعد ناس كتير الظروف (أي ظروف) بتعاندها، علشان كده الفيديو ده ليك أنت.. مش شرط تمر بظروف مرضية.. مش شرط يكون حلمك أنك تلعب رياضة.. بس أكيد مريت بظروف حاولت تكسرك.. تبعدك.. تدمرك.. هتفهم في الفيديو ده أنك تقدر تبقى قوي وتغلب كل الظروف بس بتعب وحرمان ومجهود وسهر”.

اختتم إبراهيم فايق موضحا: “رسالة حبيت أوصلها لعل ربنا ينفعني بيها.. (مفيش أعذار.. مفيش أعذار.. المجد بيتكتب بعرقك مش بالأحلام ولا الأمنيات) بحبكم”.

يذكر أن عددا من الفنانين أعلنوا مشاركتهم في فيديوهات التحدي ومنهم حنان مطاوع، يسرا اللوزي وأحمد فهمي، ويحكي كل منهم تجربته مع تحدي صعب واجهه في حياته.

لا يفوتك – رامي عاشور لـ FilFan.com: أبحث عن شخصيتي الفنية.. وعمرو دياب مثل أعلى.. ونيللي كريم دعمتني

ونحيطكم علما بأن تفاصيل الخبر قد تم الحصول عليها من مواقع أخرى وقد قام فريق التحرير في موقع الخبر نيوز بالتأكد من صحة الخبر وتم التعديل علية وربما قد يكون تم نقله بالكامل او الاقتباس منه ويمكنك متابعة مستجدات هذا الخبر او الموضوع من مصدره الأساسي.

نامل بأن نكون قد وفقنا بإيصال المعلومة اليكم كاملة.

المصدر: في الفن

رابط مختصر

اترك تعليق

لن يتم نشر عنوان بريدك الإلكتروني.


شروط التعليق :

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.